666 es un grop musical tècno alemand format de Thomas Detert e Mike Griesheimer.
666 a agut una gròssa capitada dins las discotècas entre 1997 e 2001 ambe lor projècte original que mescla una musica tècno pro escalabrosa ambe de paraulas sovent en espanhòl, lo tot associat a una imatjariá diabolica, "666" essent dich "lo nombre de la Bèstia", fasent referéncia al Diable dins L'Apocalipsi de Jean de Patmos (al capítol 13, verset 18), e mai s'aquel concèpte relèva puslèu en realitat de l'especulacion literària.
Alarma!, lo primièr simple de 666, d'estili tècno pro escalabrosa d'inspiracion makina ambe d'influéncias trance, es estat publicat en 1997 ; es lèu vengut un gròs tube dins tota l'Euròpa, a la debuta de l'annada 1998 en Occitània. Aquel simple foguèt tanlèu seguit dins lo meteis estili e la meteissa annada per Diablo e per Amokk, fasent de 666 l'un dels grops mai populars de la tècno en 1998 en Occitània (e de còps tanben endacòm mai en Euròpa).
Tròces mai coneguts en Occitània Alarma! (1998) Amokk (1998) Diablo (1998) Paradoxx (1999) Bomba (1999) D.E.V.I.L. (2000) Supa dupa fly (2001)
Categoria:Grop de musica dels ans 1990 Categoria:Grop de musica dels ans 2000 Categoria:Grop de musica alemand Categoria:musica electronica Categoria:Musica electronica dels ans 1990 Categoria:Musica electronica dels ans 2000 categoria:house