thumb|right|Retrach de John von Neumann dins lo corrent dels ans 1940.
John von Neumann (28 de decembre de 1903, Budapèst - 8 de febrier de 1957, Washington) es un matematician e fisician estatsunidenc dau segle XX.
S'interessèt a mai d'un domeni. Durant los ans 1930, estudièt la mecanica quantica e li donèt una forma axiomatica en 1932. Puei, trabalhèt sus las tecnologias de l'informacion e defeniguèt l'estructura possibla d'una machina de tractament automatic capabla de tractar l'informacion a partir d'un programa enregistrat. Durant la Segonda Guèrra Mondiala, participèt au projècte Manhattan. Après lo conflicte, contunhèt sas recherchas sus l'informacion e foguèt implicat dins la concepcion dels prumiers ordinators. Menèt pereu de trabalhs en matematicas, en particular dins los domenis de la teoria dels ensembles e de la teoria dels jòcs. Es de còps presentat coma lo fondator de l'analisi numerica moderna(en) G. A. Watson, « The history and development of numerical analysis in Scotland: a personal perspective », The Birth of Numerical Analysis, World Scientific, 2010, pp. 161-177..
Ligams internes
Mecanica quantica. Tecnologias de l'informacion. Teoria dels ensembles.
Bibliografia
(fr) Enrique Gracián Rodríguez e Stéphanie Logrado (trad.), La théorie des jeux et les mathématiques de la négociation : von Neumann, Barcelonea RBA Coleccionables, 2018, 166 p.
Nòtas e referéncias