La Federacion nacionala dels sindicats d'esplechaires agricòlas (FNSEA), fondada en 1946, es lo sindicat professional majoritari dins la profession agricòla en França amb 55,31 % dels vòtes a las eleccions a las cambras d’agricultura en 2019, dins la lista comuna amb lo sindicat Joves agricultors e aparentats (taus de participacion a l’entorn de 46,52 %). Fa partit de las organizacions patronalas francesas e de las organizacions professionalas agricòlas.
Lo sindicat se caracteriza per son sosten a l'agricultura intensiva. Promòu l’industrializacion de las espeitacions, l’espleitacion animala, l’utilizacion de pesticidas dins una tòca de rentabilitat, de productivitat e de competitivitat. Defen activament los dreches e causas dels agricultors intensius quora sos interèsts son amenaçats e s'opausa regularament a las nòrmas e contrenchas environamentalas per l'organizacion d'importantas manifestacions e la mesa en plaça d'accions de lobbying.
La FNSEA a per sindicats concurrents, en França, la Coordinacion rurala, la Confederacion paisana e lo Movement de defensa dels esplechaires familials. Categoria:Sindicat agricòla en França