thumb|Lo campanèr de la catedrala Sent Gervasi e Sent Protasi de Leitora La diocèsi de Leitora (en latin : Diœcesis Lectoriensis) es una anciana diocèsi de la Glèisa Catolica, suprimida en 1801.
Istòria La diocèsi se creè au sègle IV o pus probablament au sègle V. Èra sufraganta de l'archidiocèsi d'Eusa puish, en 879, de la d'Aush.
La Constitucion Civila deu Clergat, decretada per l'Assemblada Nacionala Constituenta, que suprimiscó la diocèsi lo 12 de julhet de 1790, après sancion reiala de Loís XVI lo 24 d'aost de la medisha annada. Lo papa Piu VI non reconescó la Constitucion. Pr'aquò, lo Concordat de 1801 non restabliscó la diocèsi : per la bulla Qui Christi Domini deu 29 de noveme de 1801, lo papa Piu VII suprimiguèt la sedença episcopala e incorporè lo territòri a la d'Agen. Per la bulla Paternae caritatis deu 6 d'octobre de 1822, Piu VII restabliscó l'archidiocèsi metropolitana d'Aush e i incorporè l'anciana diocèsi de Leitora. Despuish lo 29 de junh de 1908, l'arquevesque d'Aush relevè lo títol d'avesque de Leitora https://catalogue.bnf.fr/ark:/12148/cb11686809r.
Territòri La diocèsi tocava : au nòrd e a l'oèst, dambe la d'Agen puish la Condòm; a l'èst, dambe la de Montauban; au sud dambe la d'Aush. La diocèsi comprenè quate archipreirats : archipreirat de Sempessèrra, a l'entorn de Leitora; archipreirat de Lomanha, a l'èst; archipreirat de Ceran, au sud; archipreirat de Marçolan, a l'oèst https://gallica.bnf.fr/ark:/12148/btv1b8441965x/f1.item L'avesque èra cosenhor de la diocèsi per un quart, dambe'u rei de França, comte d’Armanhac, qu'èra meste deus autes tres quarts. Possedeishè lo castèth de Senta Mèra e lo de Sent Clar, adara desparescut.
Véser tanben Archidiocèsi d'Aush
Imatges
Ligams extèrnes BnF Catholic hierarchy GCatholic
Nòtas