Boris Pahor (Trièste, 26 d'aost de 1913 – Trièste, 30 de mai de 2022) qu'estó un escrivan eslovèn antifascista e subervivent deus camps de concentracion nazis. La soa òbra mei coneguda qu'ei Nekropola.
Considerat com l'un deus autors màgers de la literatura eslovèna deu sègle XX e com l'un deus darrèrs testimònis dirèctes de l'orror nazi, Pahor qu'a deishat ua òbra narrativa vasta e reconeguda, compausada de mei de quaranta títols. La soa escritura que's distingueish per la soa capacitat a transformar lo testimoniatge personau de l'experiéncia deus camps de concentracion nazis en òbra literària.«Mor als 108 anys Boris Pahor, el gran escriptor eslovè sobre l'Holocaust», Ara, 30-05-2022.
Qu'e morí lo 30 de mai de 2022 au son domicili, dens lo quartièr de Contovello, dens la soa vila nadau de Trièste, a l'atge de 108 ans.«Umrl tržaški pisatelj Boris Pahor». 24ur.com, 30-05-2022. Qu'estó inumat ua setmana mei tard au cementèri locau de Trièste.«L'ultimo saluto a Boris Pahor - TGR Friuli Venezia Giulia» (en italià). Rai News, 07-06-2022.
Referéncias Categoria:Eslovènia
Categoria:Escrivan del sègle XX Categoria:Naissença en 1913 Categoria:Decès en 2022