200px|thumb|right|The Shadows sus l'empont.
The Shadows (Las Ombras) èran un grop anglés de ròck, souvent instrumental (coma per exemple Apache, l'una de lors composicions emblematicas), format en 1958 jol nom de The Drifters.
A la debuta, s'agissiá del grop de guitarristas qu'acompanhava lo cantaire Cliff Richard pendent sa primièra virada. Aguèron una fòrta influéncia al moment de l'emergéncia del ròck en Euròpa e en Anglatèrra en particular, lor faiçon de jogar de guitarra electrica avent clarament agut un impacte sul ròck europèu de la debuta de las annadas 1960 que s'es aital destacat del rock'n'roll american original.
La composicion del grop a sovent evoluat, los tres membres fondators, Hank Marvin, Bruce Welch e Brian Bennett, se son regularament entornejats de novèls musicians.
Los primièrs a quitar lo grop foguèron Get Harris e Tony Meehan. Tony Meehan foguèt remplaçat per Brian Bennett, e Get Harris per Brian Locking, puèi per John Rostil.
En 1968, lo clavierista Alan Hawkshaw te dintrèt dins lo grop, seguit en 1969 pel cantaire e guitarrista John Farrar.
Après lo decès de John Rostil en 1973, Alan Tarney venguèt lo bassista e clavierista del grop. En 1978, foguèt remplaçat pel clavierista Cliff Hall e pel bassista Alan Jones.
En 1987, lo bassista Mark Griffiths integrèt lo grop, e en 1994, lors filhs, Warren Bennett e Ben Marvin, los rejonguèron tanben.
Pendent lor darrièra virada en 2004, The Final Tour, lo grop t'èra compausat de Hank Marvin, Bruce Welch, Brian Bennett, Mark Griffiths e Cliff Hall.
Categoria:Grop de rock britanic Categoria:Grop de rock Categoria:Grop de musica dels ans 1950 Categoria:Grop de musica dels ans 1960 Categoria:Grop de musica dels ans 1970 Categoria:Grop de musica dels ans 1980 Categoria:Grop de musica dels ans 1990 Categoria:Grop de musica britanic