Las femnas son pas de bestial es una cançon occitana del grop La Talvera.
Ai ai ai ai ai ai Las femnas son pas de bestial (bis)
Als mascles de la miá contrada E totes los d'endacòm mai Joves o vièlhs confles o paures Pebrons tampatz un pauc lo cais Aquí lo fons de ma pensada Escotatz-me plan coma cal
Dempuèi que la tèrra es tèrra Es totjorn lo meteis refran Qu'agachem a drecha o esquerra D'amont d'aval darrièr davant Dins tròpes de cantons enquèrra Sèm pas que bonas per enfantar
Coneissi un pichon vilatge Malicondà al Senegal De femnas an ajut lo coratge De dire qu'èra pas normal L'excision fa tròp de ravatge E se pòt pas mai tolerar
Pensi a totas aquelas dròllas Vendudas per de traficants Per fornir los bordèls d'Euròpa Se vend mai l'amor quand es blanc Entre Moscó e Varsovia L'argent nòl a sòmis bricats.
Aquí de maquinas agricòlas Aval de maquinas a plaser Abusadas dins las escòlas Sai pas ont vesètz lo progrès Lo viòl es sempre un metòde Per purificar a bon prètz
Pensi a tu ma sòrre lentana Sebelida dins la burka Sens drech, sens amor ni sens anma Tot justa bona a copular Se Dieu es bon perqué condamna La mitat de l'umanitat
E se cresètz qu'aicí en França Tot anga plan a nòstre agrat Nani sèm pas brica en avança Per çò qu'es de la paritat Pertot l'òme mena la dança Dins l'entrepresa o dins l'estat
Femnetas sortiguem de l'ombra Es ora de nos despertar Quitem de florir nòstra tomba La vergonha cal balajar Als mascles de préner l'escoba Quò's nòstre torn de governar
Categoria:Cançon de La Talvera