Pontassieve a l'é un comun dla Toscan-a ëd 20.708 abitant, an provincia ëd Firense.
Geografìa Pontassieve a resta a 108 méter d'autëssa, a l'amboch dla val ëd Sieve, ant ël Valdarn, davzin a la confluensa dël Sieve ant l'Arn a 18 chilòmeter da Firense. Ël comun a l'ha na surfassa ëd 114,44 km2.
Stòria e conomìa thumb|right|200px|Piassa Vitòrio Emanuel L'abità a l'ha ancaminà a formesse dal sécol ch'a fa XIII e a l'é dësvlupasse dòp la mità dël sécol apress, cand ij fiorentin a l'han fabricà un castel e un sistema ëd fortificassion, an possand la chërsùa dël borgh tanme mërcà a servissi ëd na zòna agrìcola anvironanta assè gròssa. Ël pais a l'ha pijà sò nòm da 'n pont medicéo an sl'Arn.
La sconda guèra mondial a l'ha fàit dij dann grev, ch'a l'han anteressà pì che ël 90% djë stabiliment produtiv. Tutun l'arprèisa a l'é stàita lesta e al di d'ancheuj a-i son vàire amprèise, dzortut ëd dimension cite e mojen-e, ch'a travajo ant ij sétor metalmecànich, dël véder, dle materie plàstiche e dla goma, dij tessù e dle confession, dij materiaj da costrussion. L'agricoltura dla zòna a produv granaje, ulive e dzortut uva da vin, travajà an vàire stabiliment enològich amportant.
Aministrassion Ël sìndich a l'é Marco Mairaghi (dal 14/06/2004 -second mandà: 2009-).
Sità gemelà Pontassieve a l'é gemelà con: border|20px Tifariti, Repùblica Àraba Saharawi Democràtica
Anliure esterne Sit istitussional
Categorìa:Comun dla provincia ëd Firense