thumb|right|Argentin-a thumb|right|Drapò dl'Argentin-a La Repùblica Argentin-a a l'è 'n pais ëd l'América meridional.
La nassion Tacà a l'Argentin-a a-i sòn ël Brasil, l'Uruguay, ël Paraguay, la Bolivia e 'l Cile. A l'è na repùblica federal fàita 'd provinse. A l'è bagnà da l'océan Atlàntich. Le sità pì amportante a sòn la capital Buenos Aires, Rosario, Còrdoba, Santa Fe, San Miguel de Tucuman, Bahìa Blanca, Mendoza e La Plata. right|thumb|Còrdoba, Argentin-a. La Gesia dij Capussin right|thumb|Salta
Stòria La stòria dl'Argentin-a coma nassion popolà da europengh as anandia dël 1502, còn soa dëscoerta faita da Amerigo Vespucci. Dël 1776 a l'era un viceream ëd la Spagna, ciamà Rìo de la Plata. Dël 25 ëd magg dël 1810 la colònia a l'é arvirasse contra a la Spagna e dël 9 ëd luj dël 1816 a l'era staita proclamà l'andipendensa.
Organisassion polìtica L'Argentin-a a l'é na repùblica federal. Ël President dla Repùblica a l'é Alberto Fernández (dal 2019).
J'argentin Ël pais a conta 40.482.000 abitant. Ël 25,6% ëd la popolassion a l'ha men che 15 agn; ël 10,6% pì che 65 agn. La speransa ëd vita a l'é dë 76,6 agn.
J'argentin a son an magioransa ëd rèis europenga. Antra le component étniche prinsipaj a-i son Italian (35%) Spagneuj (24%) Tedesch Fransèis Anglèis Slav Irlandèis Ebréo Polonèis Armen Basch thumb|right|Drapò dla provincia 'd Còrdoba
Argentin-a piemontèisa An Argentin-a a-i son anviron a 4 milion ëd piemontèis. La sità 'd San Francisco, an provincia 'd Còrdoba, a l'è staita nominà capital ëd la Pampa Gringa, la Pampa Piemontèisa. Mémoria tangibil dl'emigrassion piemonteisa an costa tera a son le capele stranomà Gesiòte chacarere. Vàire pais e sità argentin-e a son gemelà con borgh e sità dël Piemont. A Mendoza j'imigrà piemontèis a l'han ëmnà la coltivassion ëd la vigna.
Al vësco e cardinal ëd Buenos Aires, Jorge Mario Bergoglio a l'è piemontèis, originari dla frassion d'Ast ëd Portacomè Stassion.
Provinse Distret federal: Sità Autònoma ëd Buenos Aires Buenos Aires Catamarca Chaco Chubut Còrdoba Corrientes Entre Rios Formosa Jujuy La Pampa La Rioja Mendòza Misiones Neuquén Rio Negro Salta San Juan San Luis Santa Cruz Santa Fe Santiago del Estero Tèra dël Feu Tucuman
Conomìa L'Argentin-a a fa part dël Mercosur.