thumb|Localisassion an provinsa 'd Siracusa Palazzolo Acreide (Palazzolu o Palazzolu Creidi an sicilian) a l'é un comun dla Sicilia ëd 9.040 abitant, an provincia ëd Siracusa.
As pògia ai Mont Ibleo, ant l'àuta val ëd l'Anapo.
Stòria Dël 664 aGC Siracusa, mnand na polìtica agressiva d'espansion colonial an sl'ìsola, a l'ha fondà soa prima sot-colònia, Akrai. Ël grop dë stra ch'a rivava a la neuva sità a l'avìa na granda amportansa stratégica për la comunicassion ëstradal antra Siracusa e le sità greche dla riva meridional. Jë sgav archeològich a l'han dëscoatà ël teatro grech dël III sécol aGC, bin goernà, ëd dimension modeste; a podìa conten-e 600 ëspetador.
Sota ij roman, Akrai a l'é vnùit civitas stipendiaria, seghitand a prosperé mersì a sò drù teritòri agrìcol.
Crasà da j'àrabo, a l'é stàit arconquistà an época norman-a e arcostuì. A son ij norman ch'a l'han ciamalo Palazzolo.
Vastà séghit al taramòt dël 1693, soa nos dël di d'ancheuj a l'é stàita tirà su dël sécol ch'a fa XVIII.
Leu d'anteresse Cese La cesa ëd San Pàul La cesa ëd San Sebastian La cesa dl'Imacolà
Musé Ca musé d'Antonino Uccello
Aministrassion Ël sìndich a l'é Carlo Scibetta (dal 16/06/2008).
Anliure esterne thumb|right|200px|Ël teatro dla sità siracusan-a d'Akrai Sit istitussional