Broni (Bròn an dialèt oltrapadan) a l'é un comun dla Lombardìa ëd 10.094 abitant (2025), an provincia ëd Pavìa. A l'é situà ai pé dle colin-e, ant l'Oltrepò Pavèis, arlongh la stra statal Padan-a Inferior.
Geografìa Broni as treuva a n'autëssa d'88 méter, con na surfassa ëd 20,85 km². A confin-a con Barbianello, Campospinoso Albaredo, Canneto Pavese, Cigognola, Pietra de' Giorgi, Redavalle, San Cipriano Po e Stradella. Le frassion prinsipaj a son: Casa Bernini, Cascina Monache, Casottelli, Cassino Po, Colombaia dei Ratti, Colombarone, Colombirola, Fontanile di Vescovera, Pirocco, Vescovera.
Stòria Broni a l'ha orìgin antiche: as chërd ch'a sia l'antich Camillomagus d'época roman-a, abità da la tribù selt-lìgur dj'Anamari. Dël 1164 a l'é stàit cità ant un diploma dl'imperador Federico Barbarossa e a l'é dventà un feod important sota la giurisdission ëd Pavìa. Dël 1249 a l'é rivà a Broni san Contardo d'Este, ch'a l'é mòrt an camin ch'a andasja an peliginagi a Santiago 'd Compostela e ch'a l'é al di d'ancheuj patron dël comun. Dël 1406 ël feod a l'é stàit amplià e a l'é passà a la famija Visconti Scaramuzza. Dal 1536 a l'é stàit goernà da j'Arrigoni (cont ëd Broni), fin-a a l'abolission dël feudalism dël 1797.
Leu d'anteresse La Basilica minor ëd San Pédar a l'é la cesa prinsipal, andoa a son conservà le relichie dël patron san Contardo. Ant ël teritòri a-i son ëdcò le frassion ëd Vescovera e Cassino Po (unìe a Broni dël sécol ch'a fa XIX), con d'antiche cassin-e e tenute.
Aministrassion Ël sìndich a l'é Antonio Riviezzi (dal 5/06/2016).
Sità gemelà Broni a l'é gemelà con: Ferrara, Italia (dal 2001, an onor ëd san Contardo d'Este, ch'a l'é mòrt a Broni e a l'é stàit ant la famija dj'Este, ch'a governavo Ferrara)
Anliure Provincia ëd Pavìa Lombardìa Ferrara
Anliure esterne Sit istitussional
Arferiment
thumb|left|300px|La basìlica ëd San Pè minor
Categorìa:Comun dla provincia ëd Pavìa