Ij fieuj diso a le fije

Ij fieuj diso a le fije a l'é na canson popolar piemontèisa ch'a parla dël rapòrt an tra ij fieuj e le fije an manera simpàtica.

Test Ij fieuj diso a le fije pa bone a fé 'l caussèt, ma lor che son baraba ma lor che son baraba. Ij fieuj diso a le fije pa bone a fé 'l caussèt ma lor che son baraba l'han ij pieuj sota al bonet.

Bela pijlo nen, bela pijlo pa che chiel lì a l'è 'n baraba, bela pijlo nen, bela pijlo pa a l'è 'n baraba dla sità.

Compro la sigaretta des di a la fan duré, la fumo a la festa la fumo a la festa. Compro la sigaretta des di a la fan duré la fumo a la festa su e giu a spassegé.

Sigarëtta la ven già curta ch'a-j brusa già ij barbis rincres campela via rincres campela via. Sigarëtta la ven già curta ch'a-j brusa già ij barbis rincres campela via përchè resto dësprovist.

S' as compro 'n paira 'd braje ëd festa e al di 'd lavor al saba s'i ramasso al saba s'i ramasso. S'a 's compro 'n paira 'd braje la sèira al di 'd lavor al saba s'i ramasso për fesse 'n pò d'onor.

S'a-i è rivaje 'l sindaco la piuma e 'l calamaj s'a l'ha marcaje tuti s'a l'ha marcaje tuti. S'a-i è rivaje 'l sindaco la piuma e 'l calamaj s'a l'ha marcaje tuti baraba dla sità.

Categorìa: Canson popolar piemontèisa