Quercus ilex, conossù an piemontèis com rol sempevërda o euli (dal latin ilex), a l'é n'erbo dla famija Fagaceae.
Descrission A l'ha na scòrsa sutila maròn sombr, pien-a ëd chërpure. La còma a l'é s-ciassa, sgnora 'd feuje ch'as goerno ëdcò d'invern, gorëgne, sbëlusente dë dzora, bianchisse e assè vlutà da sota, ovaj e na frisa spinose an sle bordure.
Distribussion A l'é spantià an tut ël Mediterani ossidental e sentral (Spagna, Fransa meridional, Italia, Balcan, Nòrd Àfrica). An Piemont as treuva dzortut ant le zòne colego-marine (Langhe, Roero, Monfrà), fin a 800 m d'autëssa. A preferiss ij terin calcaros.
Notissie A l'é na rol sempe vërda ch'a chërs meusia e a ven assè veja. Sò bòsch, dur e assè pesant, a l'era dovrà për esse brusà opura, ant ij pais dël Mediterani, për fene dla carbonin-a.
Ël frut a l'é n'agian con un caplèt a forma dë scudlin, coata ëd cite scaje sël bianchiss.
Arferiment bibliogràfich për chi a veul fé dj'arserche pì ancreuse
Quercus ilex L.
Categorìa:Rol Categorìa:Quercus