Un pissacan: ël Lactarius albocarneus
Descrission Capel fin a 8 cm, motobin tachiss, brilant, da seuli a rupì radialment, nen zonà, bes rosà o lila, dle vire motobin ciàir. Lamele s-ciasse, adnà decorente, bianche peui crema òcra ciàir con arfless carn. Gamba àuta fin a 7 cm e larga fin a 2 cm, tachissa, da seulia a rupìa, bianca o lavà ëd crema ciàir, dle vire macià ëd rusnent. Carn motobin dura, bianca o pen-a rusnenta. Làit bondos, che a sëcca an bes grisastr an sle lamele, motobin brusch e dle vire mentolà. Odor frutà.
Ambient A chërs sota le conìfere, ant ij pòst ùmid.
Comestibilità
As peul nen mangesse.
Arferiment bibliogràfich për chi a veul fé dj'arserche pì ancreuse Lactarius albocarneus Britzelmayr [= L. glutinopallens Möller & Lange]
Categorìa:Lactarius