J’armòni ‘d Pare Viso (Le fisarmoniche del Monviso an italian e The Monviso's accordions an anglèis) a nasso dël 2004 da n’idèja e da l’angagg dël Magìster Claudio Boglio. Ël prim but a l'é col ëd porté la mùsica e la coltura piemontèisa 'n mes a la gent con un djë strument pì andvinà për ël géner: l'armòni. La formassion a conta na vinten-a 'd sonador ëd tute j'età, ch'a son-o al mej ëd soe capacità sensa l’agiut ëd basi musicaj. Ij balarin a tiro ‘l pùblich ënt ij baj popolar dël Piemont e dl’Euròpa. Ant ij sò spetacoj a propon-o arie tradissionaj e d’autor, baj popolar, poesìe e antrateniment.
Anliure esterne Sit ufissial ëd J'armòni 'd Pare Viso
Categorìa:Bal Categorìa:Mùsica piemontèisa Categorìa:Mùsica tradissional