Fotbaleur. Aristide Coscia (Lissandria, 15 mars 1918 - Lissandria, 10 mars 1979) a l'é chërsù ant la squadra dij giovo dël Lissandria e a Lissandria a l'ha ancaminà a giughé an Serie A (1936-1937) an giugand ses partìe. N'ann dòp Coscia a l'é restà a Lissandria giugand un bon campionà con 32 presense e 10 grije. Dal 1939 a l'é passà a la Roma andoa a l'é dventà sùbit titolar an giutand la squadra a dventé sempre pì fòrta fin-a a lë scudèt dël 1942 (an costa stagion Coscia a l'ha giugà tute e 30 le partìe an marcand 4 grije).
Dòp na stagion pa bon-a (1942-43) për la Roma e për Coscia, e dòp la sgonda guèra mondial, Coscia a l'é passà a la Juventus (1945-46) e a l'é peui andàit torna al Lissandria (1946-48). Dël '48 con la degradassion dij gris an sgonda division Coscia a l'é passà a la Sampdoria, anté che a l'ha giugà dal 1948 al 1954 an marcand 12 grije.
An soa cariera a l'ha giugà 370 partìe e con lòn a intra ant la classificassion dij giugador dël campionà italian pì present.
Dòp che a l'ha chità 'l gieugh a l'ha peui antrenà n'ann ij gris ëd Lissandria.
Palmarès
Campionà 1941-42: Roma
Coscia, Aristide