Coscinia cribraria Descrission La Coscinia cribraria a l'é na farfala dla famija dj'Erebidae, descrivùa për la prima vira da Carl Linnaeus dël 1758 . La duvertura dj'ale a l'é ëd 29-40 mm . J'ale anterior a son biancastre, caraterisà da cite maciòte nèire ch'a formo dë strìe e 'd bande trasversaj. Ël nùmer e la disposission dle macie a l'é motobin variàbil an tra ij diferent individuaj. La testa a l'é giàunastra, e 'l còrp a l'é 'd color bianch . Le ruve a l'han dij longh pluch, soens ëd color brun rossastr .
Ambient A viv ant ij teren sùit e sabios, ant le zòne ùmide e ant ij bòsch duvert ëd pin . As treuva an sle colin-e e ant le zòne montagnose fin a 1.000 méter . La farfala a vòla an na generassion a l'ann, da giugn a stèmber . La ruva a l'é polìfaga: a mangia vàire piante erbose, dzortut Calluna vulgaris, Plantago lanceolata e specie dël géner Festuca . A passa l'invern com ruva cita e a fà la crisàlid ant la prima .
Distribussion A l'é spantià an tuta la region paleàrtica: Euròpa (gavà le part pì setentrionaj), nòrd-Àfrica, Kazakistan, Siberia, Mongòlia e Cin-a setentrional . An Italia a l'é present an vàire region, dzortut an sle colin-e e ant le zòne montagnose, ma a l'é nen comun an tuta la penìsola .
Arferiment bibliogràfich për chi a veul fé dj'arserche pì ancreuse
Coscinia cribraria L.
Categorìa:Coscinia