thumb|Na rapresentassion ëd Tiche Ant la mitologìa greca e roman-a, Tiche (an grech: Τύχη, Tyche) a l'era la dea dla fortun-a e dël destin, la personificassion dël cas e dl'asard. Soa equivalent ant la mitologìa roman-a a l'era la dea Fortun-a.
A l'era dzortut la divinità tutelar ch'a presiedìa a la prosperità e al destin dle sità e djë stat. Conforma a la tradission, a l'era considerà un-a dle Oceanin-e, fija dël Titan Océan e dla Titanide Teti; an d'àutre version a l'é dëscrivùa tanme fija ëd Zeus o fin-a 'd Prometé.
Soa amportansa a l'é chërsùa motobin an Età elenìstica, tant che le sità a l'avìo soa pròpia version icònica dla dea, ch'a smonìa ij sò sìmboj caraterìstich: la cornucòpia (sìmbol d'argalëssa), ël timon (ch'a guidava ij destin), la coron-a con tor (ch'a rapresentava le mura dla sità) e la sfera (për mostré l'incostansa dla fortun-a).
Un-a dle rafigurassion pì avosà a l'é la statua dla Tiche d'Antiochia (dël III sécol aGC), euvra d'Eutichide ëd Sicion, ch'a la mostra setà an s'un scheuj con al pé 'l fium Oronte.
Categorìa:Mitologìa