miniatura Introdussion 'L Birichin, giornal piemonteis satirich, leterari, sportiv, umoristich, social (com a së s-ciamava an grafìa original) a l'é stàit ël pì conossù giornal an piemontèis. A l'é stàit la continuassion ëd L'Aso.
Publicassion 'L Birichin a l'é stàit fondà da Giacomo Sacerdote e Carlo Origlia, e ël prim nùmer a l'é surtì ai 18 ëd giugn dël 1887; la diression (an prinsipi ëdcò la proprietà) a l'era peui passà, fin-a al 1896, a Bernardin Ferrero. A l'era peui stait publicà da Alatti e a l'é durà fin-a al 1927. A l'era un setimanal e a l'é rivà a publiché fin-a a 12.000 còpie. A publicava artìcoj, poesìe, corispondense, e via fòrt. Luigi Pietracqua a l'ha publicà motobin dzora a 'L Birichin. A compagnava ël giornal na colan-a ëd publicassion, la Biblioteca Popolar Piemonteisa.
Chèich poeta o scritor che a l'han colaborà al Birichin: Alberto Viriglio; Oreste Fasolo; Camillo Variglia, stranomà Cirillo Valmagia; Bernardo Garneri, stranomà Brut e bon; Leone Fino, stranomà Rico; Augusto Ferraris, stranomà Arrigo Frusta; Vittorio Actis, stranomà Amilcare Solferini; Giovanni Casalegno; Giovanni Gastaldi; Mario Leoni; Tito Gantesi; Giovanni Gianotti; Paggio Fernando; Alfonso Ferrero; Enrico Chiaves; Giovanni Amelotti; Francesco Franzoi; Nino Còsta; Pinin Pacòt; Carlo Marchisio; Federich Musso; G. Galateri; Carlo Perosin e tanti d'àutri.
Arferiment bibliogràfich për chi a veul fé dj'arserche pì ancreuse Gianrenzo P. Clivio, Profilo di storia della letteratura in piemontese
0090 0090