Euchloë ausonia Descrission La Euchloë ausonia (a l'é ciamà "Eastern Dappled White" an anglèis) a l'é na farfala dla famija dij Pieridae, ch'a smija motobin a la Euchloë crameri (Occidental Dappled White). La duvertura dj'ale a l'é ëd 40–52 mm . J'ale anterior a son bianche con la ponta nèira e 'd macie grise an sj'ale . La part inferior dj'ale posterior a l'é 'd color verd-gris con ëd macie bianche . Ij doi sess a son smijant . La ruva (larva) a l'é vërda, con na linia giauna an sël fianch .
Ambient A viv ant ij teren duvert e sech, le colin-e erbose, le raisure e ij bòsch duvert, dal livel dël mar fin a 1.500 méter . A l'ha un-a o doe generassion a l'ann (univoltin-a o bivoltin-a) a sconda dla latitùdin e dl'autëssa. La farfala a vòla da fërvé a luj . La ruva a viv an dzora a piante dla famija dle Crocifere (Iberis, Sinapis, Isatis) . A passa l'invern coma crisàlid .
Distribussion A l'é spantià ant l'Euròpa sud-oriental e sentral (da l'Italia a la Grecia e a l'Ucrain-a), ant l'Asia Minor e ant l'Iran . A viv an gran part d'Italia, dzortut al sénter e al sud, e a l'é considerà comun-a . A l'é classificà "Arzigh Minim" (LC) da l'IUCN .
Arferiment bibliogràfich për chi a veul fé dj'arserche pì ancreuse
Euchloë ausonia Hb.
Categorìa:Euchloë