L'Università ëd jë Studi dël Piemont Oriental Amedeo Avogadro a l’é nassùa ant ël 1998.
El nòm Piemont Oriental a fa riferiment a 'n teritòri e pa a 'n sènter urban e a arpresenta la midema dignità arconossùa a le tre sede ant le quaj cost'università a l’é organisà, 'me na strutura a tre pòlo ùnica an Italia. La denominassion ëd l'avosà òm ëd siensa ëd Quaregna a l’é dàita, an dzorpì che për soa reputassion an tut ël mond, certament për lë bzògn ëd dé un caratér d’unificassion ëdcò ant ël nòm a n'università nassùa an tre provinse diferente: Lissandria, Vërsej, Noara.
Organisassion A travajo a l'università dël Piemont Oriental 126 professor ordinari e strasordinari, 112 professor assossià, 150 arsercador. Facoltà L'università a conta set facoltà:
Facoltà ëd Siense Econòmiche Facoltà ëd Siense Polìtiche Facoltà ëd Siense dël Dreit Facoltà ëd Literatura e Filosofìa Facoltà ëd Medsin-a Facoltà ëd Matemàtica, Física e Siense Naturaj Facoltà ëd Farmacia
Retor Ilario Viano (1998–2004) Paolo Garbarino (2004–2012) Cesare Emanuel (2012–2018) Gian Carlo Avanzi (2018-2024) Menico Rizzi (dal 2024)
Categorìa:Coltura piemontèisa Piemont Oriental Amedeo Avogadro Categorìa:Lissandria Categorìa:Vërsèj Categorìa:Noara