Ij Pink Floyd a son na formassion rock anglèisa, formasse a Londra dël 1964 con ël nom ëd The Tea Set: costa banda a l'era formà da Syd Barrett, Nick Mason, Roger Waters, Richard Wright e Bob Klose ch'a j'ero amis ch'a studiavo ansema a l'università London Polytechnic ëd Regent Street. Bob Klose a chita tòst la banda che a pija, dël 1965, ël nom ëd Pink Floyd dont i component a resto Roger Keith "Syd" Barrett (cantant e përsonalità pì an vista), George Roger Waters (bassista), Nicholas Berkeley "Nick" Mason (baterista), Richard William "Rick" Wright (tasterista). Dël 1968 as gionta David Jon "Dave" Gilmour (bassista) che pòch apress a pija ël post ëd “Syd” Barret che a l'avìa dij problema psichiàtrich e ëd dròga.
Combin che an prinsipi a sio stàit influensà an prevalensa dal rock psichedélich e da lë space rock, ël géner al qual a aparten-o a l’é an prevalensa ël rock progressiv. Caraterisà da test filosòfich, da speriment sonor, gràfich e consert neuv e fiamengh, ij Pink Floyd a l'han influensà motobin la mùsica sucessiva, da le formassion progressive dj'agn stanta, me Genesis e Yes, fin ai mùsich dël di d’ancheuj, me Nine Inch Nails e ij Dream Theater.
Dël 2008 a l'é stàit stimà che ij Pink Floyd a l'han vendù anviron 250 milion ëd disch an tùt ël mond, dont 74,5 milion ant jë Stat Unì d'America.
Euvre prinsipaj 1967 - The Piper at the Gates of Dawn 1968 - A Saucerful of Secrets 1969 - Music from the Film More 1969 - Ummagumma (ëdco dal viv) 1970 - Atom Heart Mother 1971 - Meddle 1972 - Obscured by Clouds 1973 - The Dark Side of the Moon 1975 - Wish You Were Here 1977 - Animals 1979 - The Wall 1983 - The Final Cut 1987 - A Momentary Lapse of Reason 1994 - The Division Bell 2014 – The Endless River
Àlbom dal viv 1969 - Ummagumma 1988 - The Delicate Sound of Thunder 1995 - P*U*L*S*E 2000 - Is There Anybody Out There?: The Wall Live 1980-1981