thumb|N'esam dël 1940 Docimologìa (dal grech δοκιμή (dokimé), ch'a veul dì "esam", e λόγος (lógos), ch'a veul dì "discors") a l'é la dissiplin-a pedagògica ch'a studia ij mètod e ij criter ëd valutassion ant l'ambient scolàstich e ant le prove d'esam. An pràtica, a l'é la "siensa dla valutassion" ch'a s'antéroga an sj'esam e an sle verifiche.
Stòria e orìgin Ël termo a l'é stàit conià dël 1929 da lë psicòlogh fransèis Henri Piéron. L'arzerca docimològica a l'ha butà an evidensa le discordanse antra corator diferent dë 'dnans a la midema prestassion e l'anviron sogetiv dij giudissi scolàstich. An pì a l'ha mostrà la scarsa capacità dj'esam d'antrada ëd prevëdde 'l sucess scolàstich.
Un dij pionié a l'é stàit J. M. Rice, ch'a l'ha anandìa le gròsse inchieste an sl'aprendiment djë student. An Italia la docimologìa a l'é dësvlupasse con jë studi d'Aldo Visalberghi (Mzura e Valutassion, 1955), seguì da Mario Gattullo, Luigi Calonghi e Benedetto Vertecchi.
Ambit d'arserche Dapress a la crìtica ch'a l'ha mostrà ij limit dle valutassion tradissionaj, la docimologìa a l'é anandiasse a propòn-e dë strument pì ogetiv (test, quiz a selession mùltipla), grije 'd coression, e anàlisi dij dat për rende ij giudissi pì afidàbij. Ant j'ùltim temp, j'arserche as concentro an sla valutassion formativa (për amelioré l'aprendiment), an sle competense e an sle valutassion autèntiche, ch'a preuvo a simulé le situassion dla vita real.
Categorìa:Educassion