thumb|right|150px|Ël sìmbol dla Wikipedia La Wikipedia a l'é n'enciclopedìa lìbera an sla ragnà, e a peul trovesse an pì ëd na lenga. Ël contnù a l'é lìber, e chi ch'a veul a peul giuté an diverse manere: scrive d'artìcoj, fé dël travaj ëd servissi e via fòrt.
A l'é publicà an pì ëd dosent lenghe diferente, e la pì granda a l'é l'edission anglèisa. Le statìstiche generaj a diso che la Wikipedia andrinta a l'ha 5,3 milion ëd vos, 15,3 milion ëd pàgine, 175,4 milion ëd modìfiche a le pàgine (truch e branca 35 modìfiche për pàgina) e 4 milion d'utent.
A l'é nàita ël 15 ëd gené dël 2001 da n'idéja ëd Jimmy Wales, e ancheuj a l'é un dij sit d'anformassion pì visità dla Ragnà (ëns ij 60 milion ëd vìsite al dì). La version piemontèisa a l'è ativa dal 27 ëd mars dël 2006 e a la fa anviron a 1.750.000 pàgine lesùe a l'ann.
Tut ël contnù a l'ha la licensa GFDL.
Lista dle Wikipedie prinsipaj
Sì-sota a-i é la lista dle Wikipedie con pì ëd 300.000 pàgine.
Anglèisa - pì ëd 4.300.000 pàgine Olandèisa - pì d'1.600.000 pàgine Alman-a - pì d'1.600.000 pàgine Svedèisa - pì d'1.500.000 pàgine Fransèisa - pì d'1.400.000 pàgine Italian-a - pì d'1.000.000 pàgine Spagneula - pì d'1.000.000 pàgine Russa - pì d'1.000.000 pàgine Polonèisa - pì ëd 900.000 pàgine Giaponèisa - pì d'800.000 pàgine Vietnamèisa - pì d'800.000 pàgine Portoghèisa - pì ëd 700.000 pàgine Waray-Waray - pì ëd 700.000 pàgine Cebuan-a - pì ëd 700.000 pàgine Cinèisa - pì ëd 700.000 pàgine Ucrain-a - pì ëd 400.000 pàgine Catalan-a - pì ëd 400.000 pàgine Norvegèisa (bokmål) - pì ëd 300.000 pàgine Finlandèisa - pì ëd 300.000 pàgine Farsi - pì ëd 300.000 pàgine
Categorìa:Sit famos ëd la Ragnà