thumb|Ca natal Kaspar Wessel (nòm complet Caspar Wessel, nassù a Vestby, Norvegia, l'8 ëd giugn dël 1745, mòrt a Copenàghen ël 25 ëd mars dël 1818) a l'é stàit un matemàtich e cartògraf danèis-norvegèis. A l'é avosà dzortut për esse stàit ël prim a smon-e na interpretassion geométrica dij nùmer compless com pont ant ël pian compless e com vetor.
Biografìa Wessel a l'era fieul dël pastor Jonas Wessel e a l'é chërsù ant na famija con 14 fieuj. Dël 1763, dòp la scòla superior, a l'é andàit a studié drit a l'Università ëd Copenaghen (përchè an Norvegia a-i era gnun-a università). Për motiv finansiari a l'ha chità jë studi e dël 1764 a l'é dventà assistent ëd sò frel Ole Christopher, topògraf, për la Real Academia Danèisa dle Siense. A l'ha travajà com topògraf për tuta la vita, an partessipand al rilevament topogràfich dla Danimarca, dël Schleswig-Holstein e dël Ducà d'Oldenburg. Dël 1778 a l'ha finì sò dotorà an drit. Dël 1815 a l'é stàit nominà Cavajé dl'Órdin dël Dannebrog.
Euvre matemàtiche Sò ùnich travaj matemàtich, l'artìcol "Om directionens analytiske betegning" (Sla rapresentassion analìtica dla diression), a l'é stàit presentà dël 1797 e publicà dël 1799. Ambelelà, an partend da la topografìa, a smon la rafigurassion dij nùmer compless com pont dël pian (con x e y) e a definiss për la prima vira j' operassion ëd soma e prodòt an manera geométrica. L'arzulta a l'é stàita scurìa përchè publicà an danèis e a l'é stàita dëscoatà mach a la fin dël sécol ch'a fa XIX. La midema idèja a l'é stàita dëscoatà da Jean-Robert Argand dël 1806 e da Carl Friedrich Gauss dël 1831.
Anliure Nùmer compless Vetor
Wessel, Kaspar Wessel, Kaspar