thumb|right thumb|right
Dendrocopos minor Descrission Ël Dendrocopos minor (pich cit) a l'é 'l pì cit dij pich europeng. A l'é longh 14-17 cm, con n'aliura ëd 24-29 cm e a pèisa 17-25 g. La part superior a l'é barà 'd bianch e nèir, la part inferior a l'é bianca con dë strìe nèire. La testa a l'é bianca con na fina strìa nèira ("mustass") ch'a part dal bech e as fond con ël cupiss. Ël mas-cc a l'ha la front e la coron-a (la part auta dla testa) 'd color ross viv, mentre la fumela a l'ha la coron-a nèira. Ij giovo dij doi sess a l'han na macia rossa an testa. A viv soens an sle ponte dj'erbo àut, e a l'é difìcil da vëdde; sò crij a l'é un "keek" ripetù, pì doss dël pich gròss.
Ambient A viv ant ij bòsch ëd latifeuje e mës-cià, ij parch e ij fruté, dzortut ant le zòne ùmide con erbo a bòsch doss (vèrs ij fium). A fà 'l nil an përtus ch'a s-ciòda ant ij branch ëd bòsch mars, a 3-12 méter da tèra, e a duverta 4-8 euv. A mangia dzortut inset e larve ch'a ciapa an sle rame cite. A peul gavé via la scòrsa dj'erbo për trové da mangé.
Distribussion A l'é spantià ant la region paleàrtica, da la Spagna a la Kamchatka e al Giapon. A l'é present an tuta l'Euròpa, ma a l'é ràir e localisà . An Italia a l'é spantià an manera pì o meno continua an sj'Alp e j'Apenin setentrionaj, e an manera frammentaria an àutre region. An Piemont a l'é present, ma a l'é nen comun . A l'é classificà "Arzigh Minim" (LC) da l'IUCN.
Arferiment bibliogràfich për chi a veul fé dj'arserche pì ancreuse
Dendrocopos minor L., 1758
Categorìa:Dendrocopos Categorìa:Pich