As ciama matris na tàula formà da mn element butà su m righe e n colòne. Na matris as arpresenta ëd sòlit sota la forma .
Terminologìa Matris quadre Si m=n, visadì a-i son tante righe quante colòne, la matris as dis quadra e j'element a na formo la diagonal prinsipal.
Matris simétriche Na matris quadra as dis simétrica si për tute le cobie d'ìndes (i,j). Për esempi, la matris
a l'é simétrica.
Matris diagonaj Na matris quadra a l'é diagonal si tuti ij sò element, gavà al pì coj dla diagonal prinsipal, a son nuj. Për esempi, la matris
a l'é diagonal.
Matris triangolar Na matris quadra a l'é triangolar si tuti j'element ëdzora (o sota) la diagonale prinsipal a son nuj. Për esempi, la matris
a l'é triangolar.
Matris idèntica La matris quadra , visadì andoa a son ij sìmboj ëd Kronecker, a l'é dita matris idèntica.
Trasposission Si an na matris A a së scambio le righe con le colòne, as n'oten na matris , ciamà la traspòsta d'A. Për esempi, si , la matris traspòsta d'A a l'é .
Vetor Le matris con na riga sola o na colòna sola soens as diso vetor.
Stòria L'adoss ëd l'àlgebra dle matris a armonta al sécol ch'a fa XIX. Ël simbolism ëd le matris a l'é stàit antroduvù da Eisenstein (1823-1852), ch'a l'ha definì la soma e ël prodot ëd matris. Pare dl'àlgebra dle matris a l'é considerà Cayley (1821-1895) che, dël 1858, a l'ha publicà na memòria anté ch'a caraterisava j'operassion antra matris. A l'é ambelelà che a son ëstàit dovrà për la prima vira ij sìmboj ëd determinant e ëd matris, con la disposission su righe e colòne, adotà al di d'ancheuj. Cayley a l'ha dësvlupà la teorìa dle matris a parte da cola dij determinant.
Categorìa:Àlgebra linear