thumb|right thumb|right
Hippolais pallida Descrission La Hippolais pallida (ancheuj classificà 'me Iduna pallida, canavròla grisa) a l'é n'osél passeriform ëd la famija dij Acrocephalidae . A l'ha na longhëssa ëd 12-14 cm e un pèis ëd 8-16 g . A l'é na silvia pitòst cita, con un bech longh e pontù, color giaunastr sota, e na testa piata . Le part superior a son gris brun (peui, vërde olivastr ant la sot-specie oriental elaeica), le part inferior a son bianche o crema, con ij fianch gris . A l'ha në dzorsign bianch motobin sutil e n'anel ocular ciàir . La coa a l'é longa e quadrà, e a l'ha l'abitùdin ëd bogé la coa 'n su e 'n giù (pompé) . Ij sess a son ij midem .
Ambient A viv ant ij teren duvert e sech con busson e erbo, com ij giardin, ij pais, le rivere dij fium e ij bòsch duvert . A l'é na specie migratris. A mangia inset e, d'otonn, 'dcò cit frut . A fà 'l nil a forma 'd copa ant ij busson . Sò cant a l'é na ciaciarada ràpida, com col d'un canarin, mentre sò crij a l'é 'n "tchèc" o "trr" .
Distribussion A l'é spantià an Euròpa sud-oriental (da ij Balcan a la Grecia), ant ël Medi Orient, an Anatòlia e an Àsia sentral . A nidìfica 'dcò an quàich oasi dël Sahara e ant la Val dël Nil . A passa l'invern ant l'Àfrica subsaharian-a . A l'é considerà "Arzigh Mìnim" (LC) da l'IUCN.
Arferiment bibliogràfich për chi a veul fé dj'arserche pì ancreuse
Hippolais pallida Hemprich & Ehrenberg, 1833
Categorìa:Hippolais