thumb|right
thumb|right
Fringilla montifringilla Descrission Ël Fringilla montifringilla (fringuel dle montagnef) a l'é n'osel passeriform ëd la famija dij Fringillidae, longh 14-16 cm, con n'aliura ëd 25-26 cm e un pèis ëd 17-30 g . A smija al fringuel comun, ma as diferensia për la gropera bianca e le part inferior pi scure . Ël mas-cc an piumagi nussial a l'ha la testa e 'l dòrs nèir, la gola e 'l pét arancion, e la pansa bianca . D'invern la testa a dventa macià 'd gris e 'l bech a dventa giaun . La fumela a l'ha la testa grisa e 'l dòrs brun, con ël pét arancion pi ciair . J'ale a son nèire con na taca bianca e na banda arancion bin vistosa .
Ambient A viv ant ij bòsch ëd conìfere e 'd biole ant le region setentrionaj . D'invern a migra vers sud e as treuva ant ij bòsch ëd latifeuje (dzortut fò), ij camp e ij teren coltivà . A forma dë strop gròss, fin-a 'd milion d'osej, an sërcand ij fò, soa sorgiss prinsipal d'aliment . A mangia smens e, durant la riprodussion, 'dcò inset e soe larve .
Distribussion A nidìfica ant le region setentrionaj d'Euròpa e Asia, da la Scandinavia a la Kamchatca . A passa l'invern ant l'Euròpa meridional, l'Àfrica dël Nòrd e l'Asia meridional . An Italia a l'é 'n visitator invernal, ma soa presensa a varia motobin da n'ann a l'àutr second la disponibilità d'aliment ant l'Euròpa sentral . A l'é classificà "Arzigh Minim" (LC) da l'IUCN .
Arferiment bibliogràfich për chi a veul fé dj'arserche pì ancreuse
Fringilla montifringilla L., 1758
Categorìa:Fringilla Categorìa:Fringoj