Bellis perennis Pianta erbosa ch'a viv sempe, con un risòma curt d'andoa a-i parto dle reisëtte sotile, la pianta a l'é sempia e motobin curta. Le feuje a son tute tacà al sël risòma, a son peilose da giovo fin-a a vnì pla da veje. Le fior (fàusse fior) a son bianche o con na linia rossastra da fòra, con ël boton giaun (vere fior).
Ambient A chërs ant ij pòst pa coltivà e ant j'òrt, dal livel dël mar fin a 2000 méter; a fioriss da fërvé a dzèmber.
Proprietà A l'ha ëd proprietà depurative e diuretiche. Un the fàit con ij margritin a l'era dovrà për ij cit anémich.
Cusin-a Da giovo a peul esse giontà a mneste e salade; s l'é tradissional la frità ëd margritin.
Arferiment bibliogràfich për chi a veul fé dj'arserche pì ancreuse Bellis perennis L., 1753
Categorìa:Erbe an cusin-a Categorìa:Bellis