Taraxacum officinale Pianta erbosa ch'a viv sempe, àuta fin a 20 o 30 cm., a l'ha na reis carnosa da anté a-i part na rosëtta ëd feuje, e fior con na longa gamba. Le fior a son giaune. Quand a sfiorisso, a formo i bin conossù sofion, che le masnà a dòvro për gioghé.
Ambient A chërs dapërtut, dal livel dël mar a l'àuta montagna. A fioriss dzortut da fërvé a magg, ma peui tut l'ann.
Proprietà A l'ha ëd proprietà depurative, diuretiche, lassative.
Cusin-a Le feuje primaverij a son dovrà an salada. A l'é motobin sercà a la prima, përché as peul disse ch'a sia la salada servaja pi bn-a. A l'é ëdcò motobin dovrà com vërdura cheuita, e an col cas a l'é un contorn për tute le pitanse. Con le reis tostà as fasìa un surogà dël cafè.
Arferiment bibliogràfich për chi a veul fé dj'arserche pì ancreuse Taraxacum officinale L.
Categorìa:Erbe an cusin-a Categorìa:Taraxacum