right|250px L'Ossitan o Lenga d'Òch a l'é na lenga romanza parlà da 2 milion ëd përson-e ant Ossitània, ant le valade sud-òvest dël Piemont (vardé valade ossitan-e) e ant la Val d'Aran an Catalogna.
La lenga ossitan-a a l'é 'dcò ciamà Provensal. Costì a l'é sò nòm ëstòrich, ma provensal a l'é 'dcò 'l nòm ëd na variant ëd la lenga ossitan-a. Ossitan ëdcò a smon dij problema perchè a l'é ël nòm savant dël dialèt lengadossian; ëdcò coj ëd Piemont, sovens a son costumà a dì Nosto Modo për ciamé soa lenga. Quaidun a deuvra 'dcò la paròla fransèisa Patois, ch'a veul mach dì "dialèt", ma al di d'ancheuj a l'é considerà dëspresiativ.
Pais andoa a l'é parlà A l'é parlà specialment an Fransa, ma anche Italia e Spagna.
Le variant regionaj Na division grossera dle variant regionaj dl'ossitan a peul esse costa: nord-ossitan: auvergnat, limosin, vivaro-alpin ossitan mojen: lengadossian, provensal gascon
Literatura L'autor pì avosà a l'é Frédéric Mistral, premi Nobel për la Literatura dël 1904, con na poesìa scrita dël 1859 dal tìtol Mirèio.
A l'ha scrivù ëdcò ël Tresor dòu Felibrige, un dissionari dla lenga d'òch ch'a conten pì che 75.000 paròle.
Classificassion Në schema 'd classificassion ëd l'Ossitan a peul esse:
lenghe indoeuropenghe lenghe romanze lenghe romanze ossidentaj lenghe gal-romanze lenghe ossitan-e
Còdes ISO Còdes ISO 639-1: OC Còdes ISO 639-2: OCI Còdes ISO 639-3: OCI
Arferiment bibliogràfich për chi a veul fé dj'arserche pì ancreuse http://www.sil.org/iso639-3/documentation.asp?id=oci
Categorìa:Lenghe dla Fransa Categorìa:Lenghe dla Spagna Categorìa:Lenghe dl'Italia Categorìa:Lenghe romanze