Artemisia glacialis Pianta erbosa con ël pe parsialment lignificà. Le feuje dij but stérij a l'han un longh atach, le àutre na vòta ëd men, a man a man ch'a van su. Le fiorin-e, giaune, a son riunìe an fior giaune. La pianta a fioriss an istà e a l'é àuta fin a 10-15 cm.
Le tre specie ëd genepì pi conossùe a son: Artemisia genipi, ciamà genepì mas-cc; Artemisia glacialis, (costa) ciamà genepì dij giassé; Artemisia mutellina, ciamà genepì bianch.
Ambient Pianta caraterìstica dle region alpin-e, a chërs a autësse comprèise tra 1500 e 3000 méter.
Proprietà As dòvra la piantin-a fiorìa (a l'inissi dla fioridura) e fàita sëcché a l'ombra e a l'aria. Proprietà tòniche e antispasmòdiche. A peul esse dovrà për ij problem respiratòri.
Cusin-a L'Artemisia glacialis l'é ël genepì men profum, ma a va bin a preparé ij licor. Le proprietà amportante për ij genepì a son ij prinsipi amer, ch'a son sfrutà për fé aperitiv e digestiv.
Arferiment bibliogràfich për chi a veul fé dj'arserche pì ancreuse Artemisia glacialis L.
Categorìa:Erbe aromàtiche Categorìa:Artemisia