Marsala a l'é un comun d' 82.337 abitant dla provincia ëd Tràpani (Sicilia).
Stòria thumb|right|200px|Cesa dël Purgateuri Marsala a l'é stàita fondà dai Cartaginèis dël IV sécol aGC con ël nòm ëd Lylibeo. Conquistà dai roman dël 241 aGC, a l'ha goernà soa amportansa militar e comersial për ij tràfich ant ël Mediterani sentral; a l'era la sede dël questor për le provinse ossidentaj. Dòp dl'ariv dij Vàndaj a l'é decadù. Con j'àrabo, ch'a l'han ocupalo dl'830 aGC e ch'a son a l'adoss dël nòm modern ëd la sità, a l'ha avù soa amportansa tanme pòrt comersial vers ël continent african. Ij norman a òcupo Marsala dël 1072. Peui a l'é passà sota la ca aragonèisa.
A parte dal sécol ch'a fa XVI l'amportansa ëd Marsala a l'é calà ëd fasson sensìbil, për via dël baron artifissial ëd tèra butà an sò bassin portuari për difende la sità da j'atach arpetù dij pirata.
L'aspet arnassimental e baròch modern a l'é realisà antra ij sécoj XVII e XVIII con la costrussion e l'arcostrussion dij prinsipaj edifissi sivij e religios, sarà andrinta a na sentura ëd rampar quadrà con quatr pòrte d'intrada monumentaj.
Dël sécol ch'a fa XVIII j'atività comersiaj ëd Marsala a son tornà a sò antich ësplendor cand j'anglèis a l'han ancoragià ij tràfich gropà a la produssion dël vin.
L'11 ëd magg dël 1860 Garibaldi a l'é sbarcà 'nt ël pòrt ëd Marsala e a l'é partì a la conquista dël Meridion d'Italia.
Economìa La pi grand'arsorsa ëd Marsala a l'é la produssion vinìcola e dl'arnomà vin omònim, anviarà da Woodhouse dël 1773 e cudìa da j'Ingham e ij Florio con l'anstalassion ëd neuve cooperative vinìcole presente su tut ël teritòri.
D'àutre atività amportante a son ël comersi e j'andustrie.
Leu d'anteresse Cese La catedral La cesa ëd Soan Gioann
Musé Musé nassional Lilibeo
Aministrassion Ël sìndich a l'é Albero Di Girolamo (dal 15/06/2015)
Anliure esterne Sit istitussional
Categorìa:Comun dla provincia ëd Tràpani