Pizzo Catarineci (scrivù ëdcò Pizzo Catarinecci) a l'é na montagna ëd Sicilia àuta 1.660 méter. A l'é un dij pì àut riliev dle Madonìe orientaj, dòp ël Pizzo Carbonara (1.979 m) e ël Pizzo Antenna (1.977 m).
Geografìa Pizzo Catarineci as treuva ant la Provincia ëd Palerm, an Italia. A l'é situà an sla dorsal sparti-eve dla Sicilia ossidental, an tra le portele dij Bifolchi (1.120 m) e Mandarini (1.206 m). Da costa dorsal a nasso ij doi branch prinsipaj dël fium Salso/Imera Meridional, ch'as campa a Licata. A l'é 'l pont pì àut d'un massis formà da ròce arenarie e argilose dl' Oligo-Miocene, con color giaun-brun. A diferensa d'àutri riliev dle Madonìe, a l'é nen ëd natura carbonàtica. Sò versant a l'é motobin doss, con formassion ëd pera arenaria ch'a smijo al granit.
Ambient La flòra a l'é caraterisà da fò (Fagus sylvatica), bòsch ëd Ilex aquifoliume tapiss ëd genèiver (Genista cupanii). A-i son ëdcò zòne ùmide (margi) e torbiere. La fauna a comprend cavaj an pastura e osej. Dle vire a-i son ëd màrcati (antiche costrussion ëd pera) dovrà 'me stabi për le bestie.
Acess La montagna a l'é acessìbil da Geraci Siculo, da Petralia Sottana o da Piano Battaglia. Un senté a përcor l'autipian ëd Contrada Trentamazze, con na sorgiss d'eva al sénter. L'escursion a l'é ëd dificoltà E (Escursionistica) e a peul esse fàita an tute le stagion (bele che d'invern a peul ess-ie fiòca). La sima pì davzin-a a l'é Pizzo Argentiera (1.496 m) e Cozzo di Raimonda (1.574 m).
Categorìa:Montagne Categorìa:Sicilia