250px|thumb|Gat domesti
Ël gat o Ciat (Felis silvestris catus) a l'é un mamìfer carnìvor ëd la famija dij felin.
Adoss ëd la paròla La paròla gat a ven dal latin catus, che a l'ha pijala dal grech antich kàttos.
Caraterìstiche Ël gat a l'é tipicament longh apopré 46 cm, con na spala 'd 23-25 cm e na coa 'd 30 cm, e an media a riva peisé 4-5 kg (la fumela a l'é pì cita dël mas-cc). A l'ha un còrp flessìbil, dentatura tajenta, e onge retràtij. A l'ha na vista e n'udì motobin bon, e a l'é ativ dzortut ëd neuit (crepuscolar). La speransa ëd vita d'un gat a l'é antra 12 e 14 agn për ël mas-cc, e antra 13 e 16 agn për la fumela.
Comportament A l'é n'animal teritorial, solengh (për la pipart) e a marca sò teritòri con l'urin-a e le sgrassade. A comunica con ël miau, ël ronron, e la posission dël còrp. A l'é un predator ëd cit mamìfer (giari, rat), osej, laserde e inset.
Stòria e domesticassion A l'é stàit domesticà ant l'Egit antich anviron 4.000 agn për cissé ij giari. A l'é spantià an tut ël mond. A l'é un dj'animaj domèstich pì popolar (con ël can).
Categorìa:Felidae