Kupiškis (sgnaché sì për sente la pronunsia) a l'é na comun-a ëd la Contà ëd Panevėžys, ant la munissipalità dël distret ëd Kupiškis. A son staje garantì ij drit ëd Magdeborgh, o drit ëd sità, ant l'ann 1791. As treuva an sij fium Lėvuo e Kupa, e a l'é pròpi da cost second fium che la sità a pija sò nòm.
Soa popolassion ant l'ann 2005 a l'era d'8.243, dont a-j ven ël pòst ch'a fa 41 antra le sità dla Lituania.
Stòria As conòss nen la data dla fondassion ëd Kupiškis. Ij repert archeològich trovà a fan pensé che l'àrea andoa ch'a-i é ancheuj la sità a fussa popolà dagià da 3.000-2.000 agn prima 'd Crist. A son stàit trovà cò i rest d'un castel ëd bòsch dël sécol ch'a fa 13 an sla colin-a fortificà d'Aukštupėnų. Contut sòn, le prime font ëstòriche a fan ël nòm ëd Kupiškis mach ant ël 1529.
Demografìa Conform al Dipartiment dë Statìstica dla Lituania, la popolassion dël distret ëd Kupiškis al 1m ëd gené dël 2001 a l'avìa na composission étnica parèj:
23.965 (97,3 %) Lituan 430 (1,7%) Russ 64 (0,3%) Polonèis 49 (0,2%) Ucrain 38 (0,2%) Bieloruss 82 (0,33%) Àutr
J'Ebréo a Kupiškis
Kupiškis, ciamà an lenga Yiddish Kupishok, a dasìa cà a 1.444 ebréo prima dla Sconda Guèra Mondial. La Gran Sinagòga ëd Kupiškis a l'era fàita 'd pera. La porsion an mon ross a l'era na Sinagòga Misnagdim. La Gran Sinagòga a l'é stàita dovrà tanme Cà dla Cultura ant ël period soviétich. La porsion Misnagdim ancheuj a l'é dovrà tanme local për la caudera ch'a scàuda l'edifissi prinsipal, ch'a conten la Biblioteca Pùblica e ël Memorial ëd l'Olocàust costruì ël 13 ëd luj dël 2004.
Categorìa:Sità dla Contà ëd Panevėžys