thumb|right|La pianta
Hyssopus officinalis
An Latin Hyssopus officinalis; an italian: issopo, lavanda; piemontèis http://www.erbariopiemontese.com/result_pie.asp?cerca=issopo: issòp, isòp, lìssop, soleggiu. Pianta erbosa ch'a viv sempe, con gambe drite, ramificà e legnosa dal pe, àuta fin a 50 cm. Le feuje a son opòste, antere, a son longhe e a ponta; a son verd intens. Le fior a son mucià a 4-6, a son tute voltà da na part, an manera ch'a formo në spi unilateral. A son bleu virant al porpra.
Ambient
A chërse ant ij pra e pòst sech e ant le rochere, da 200 a 1200 méter an sël livel dël mar. A fioriss da luj a tober.
Proprietà As dòvro le fior për digerì e për la toss. A l'ha ëd proprietà digestive, contra l'asma e cicatrisante.
Cusin-a A l'é dovrà për përfum e licor. A dà a le pitanse un savor amaricant e picant.
Ant ël Vej Testament a l'é scrivù che a l'era stait dovrà për signé con ël sang d'agnel le pòrte dle famije ebree che l'Angel a dovìa risparmié.
Arferiment bibliogràfich për chi a veul fé dj'arserche pì ancreuse Hyssopus officinalis L.
Nòte
Categorìa:Erbe aromàtiche Categorìa:Hyssopus Categorìa:Fior ëd montagna