Terakaft (an tamasheq: ⵜⵔⴾⵊⵜ, ch'a veul dì "la carovan-a" ) a l'é na banda ëd mùsica touareg (o "blues dël desert"), fondà dël 2001 a Kidal, an Mali. Sò stil musical a l'é caraterisà da na mës-cia 'd blues, rock e mùsica tradissional tamasheq, e a l'é part dël midem moviment musical dij Tinariwen. Ij sò test a parlo dzortut ëd assouf (la nostalgia e la malinconìa dël desert) e dla vita dël pòpol touareg.
Stòria La banda a l'é stàita fondà da Sanou Ag Ahmed e Kedhou Ag Ossad. Kedhou a l'era stàit un dij mèmber originaj dij Tinariwen, e a l'avìa partecipà a l'arzulta 'd sò prim àlbom. Dël 2006, Liya Ag Ablil (ciamà "Diara"), barba 'd Sanou e àutr mèmber original dij Tinariwen, a l'é giontasse a la banda. Dël 2008, Kedhou a l'ha lassà la banda për resté ant ël desert, e Diara a l'é dventà 'l leader. Dël 2009, Abdallah Ag Ahmed (frel giovo ëd Sanou) a l'é giontasse com bassista, rendend la banda na vera banda 'd famija. Ant j'agn a l'han sucedusse vàire përcossionista.
Discografìa Bismilla, the Bko Sessions (2007) - prim àlbom an studi, registrà an quatr di ai Bogolan Studios ëd Bamako. Ishumar, musique touarègue de résistance (2008) - compilation con 2 tìtoj inèdit. Akh Issudar (2008) - scond àlbom, prodovù da Jean-Paul Romann. Aratan N Azawad (2011) - Tapsit/World Village. Kel Tamasheq (2012) - World Village, prodovù da Justin Adams. Alone (2015) - World Village.
Mèmber Kedhou ag Ossad ("Khiwaj") : ghitara, vos, composission Liya ag Ablil ("Diara") : ghitara, vos, composission Sanou ag Ahmed : ghitara, bass, vos Nicolas Grupp : baterìa (dal 2013) Andrew Sudhibhasilp : bass (dal 2015)
Categorìa:Mùsica