thumb|Gian Carlo Grassi (prim a snistra) Gian Carlo Grassi (nassù a Condove, an Val Susa, ël 14 d'otóber dël 1946, mòrt sël Mont Bove, an Apenin, l'1 d'avril dël 1991) a l'é stàit n'esplorator e guida alpin-a italian-a. A l'é stàit un dij piemontèis pì important alpinista dël Neuvsent, avosà dzortut për esse stàit un dij pionié dl'arampicà su giassa e n'esponent dël moviment dël "Nuovo Mattino" .
Vita Grassi a l'é stàit anlev a la Scòla Nassional d'Alpinism "Giusto Gervasutti", dont a l'é dventà istrutor dël 1968. Ant j'agn '70 a l'ha fàit part dël moviment dël "Nuovo Mattino" (Matin Neuv) ansema a Gian Piero Motti e Danilo Galante, ch'a l'ha arnovà l'alpinism an campand via j'ideaj nassionalista e l'ossession për la sima a tùit ij cost. Antlora a l'ha duvertà 'd vie neuve an Val d'Orch e an sle pere eràtiche dla bassa Val Susa .
Ant la metà dj'agn '70 a l'ha otnù la patent ëd guida alpin-a e a l'é vnù professionista .
A l'ha marià Nicole, conossùa durant na vendëmmia an Fransa, e a l'é andàit a sté a Condove .
Sò travaj an montagna À la fin dj'agn '70 a l'é passionasse a l'arampicà su giassa, dventand un pioné mondial. Ansema a l'amis Gianni Comino a l'ha realisà 'd prime assension ch'a l'han fàit época, coma l'Ypercouloir dle Grandes Jorasses (1978) e la salita 'd doi serach an pòchi di dël 1979 .
Dòp la mòrt ëd Comino dël 1980 (sprofondà da 'n serach), Grassi a l'ha seguità a 'rserché 'd vie neuve an sla giassa an Piemont e a l'éster. A l'ha duvertà 'd cascà 'd giassa an Val d'Osta, Valsusa, Valsessera, an Cànada, an Patagonia, an Himalaya e an América . A l'ha elencà pì che 800 vie neuve an sle falesie e 300 an auta montagna, dont 50 an sj'Alp.
Un dij sò ansegnament a l'era: "n passage su na pera riussì dòp vàire tentativ a darà l'istess moment ëd sodisfassion ëd na granda assension an auta montagna" .
Mòrt A 44 agn, Grassi a l'é mòrt an cascand da na còrnis ëd fiòca, antant ch'a calava da na cascà 'd giassa dël Mont Bove (Apenin), l'1 d'avril dël 1991. A l'é stàit sotrà a Condove .
Grassi, Giancarlo