ERG (acrònim ëd Edoardo Raffinerie Garrone) a l'é na società petroliera e d'energìa fondà dël 1938 da Edoardo Garrone a Genova. Dòp na longa transission, ancheuj a l'é un dij prinsipaj operator europengh ant j'energìe arnovàbij, dzortut ant l'eòlich e ant ël solar.
Stòria La società a l'é stàita fondà da Edoardo Garrone për ël comersi ëd prodot derivà dal petròli e dal catram. Ant ël dòp-guèra a l'ha duvertà la Rafineria ëd Genova San Quirico. Ant j'agn Stanta a l'ha anandiasse a costruì d'àutre rafinerie an Italia (es. la ISAB a Priolo Gargallo) e pipeline. Ant j'agn Otanta a l'ha ciapà le rej ëd stassion ëd servissi d'Elf, Chevron e BP an Italia. Dël 1997 la società a l'é stàita quotà an Borsa Italian-a. Dël 2010 a l'ha fondà na joint venture con Total (TotalErg) për la distribussion ëd carburant.
Transission a le rinovàbij (2008-2023) A parte dal 2008 , Erg a l'ha ancaminà a disinvestì dal setor petrolìfer për deje pì spassi a j'energìe rinovàbij. Dël 2008 a l'ha firmà n'acòrd con Lukoil për la vèndita dj'asset ëd rafinassion. Dël 2013 a l'ha completà la surtìa dal setor ëd la rafinassion. Dël 2015 a l'ha ancaminà a produve energìa idroelétrica , an catand j'asset idroelétrich d'E.ON an Italia. Dël 2018 a l'ha vendù soa part an TotalErg, completand soa trasformassion an n'operador për le rinovàbij. La transission a l'é stàita completà dël 2023 con la vèndita dl'ùltima sentral a sicl combinà an Sicilia, e a l'é dventà 'n produtor esclusiv ëd energìa vërda.
Erg ancheuj Ancheuj Erg a l'é leader an Italia ant ël setor eòlich e a l'é antra ij prim des operator solar , con na capacità instalà d'anviron 3,8 gigawatt (2025). A l'ha na presensa an Euròpa (Italia, Fransa, Gërmania, Polònia, Romanìa, Bulgarìa) e a l'é an camin a dësvlupesse ant jë Stat Unì. La famija Garrone-Mondini a contròla l'asienda con la holding "San Quirico S.p.A.". L'Edoardo Garrone atual a l'é 'l president esecutiv.
Categorìa:Industria