thumb|Lodwig Bieberbach (1930) Ludwig Bieberbach (nòm complet Ludwig Georg Elias Moses Bieberbach, nassù a Goddelau (Assia) ël 4 dë dzèmber dël 1886, mòrt a Oberaudorf (Baviera) l'1 dë stèmber dël 1982) a l'é stàit un matemàtich alman. A l'é avosà për ij sò studi ant l'anàlisi complessa e për la Congetura ëd Bieberbach. A l'é stàit ëdcò un esponent dël nasism e un dij fondador dël moviment dla "Matemàtica alman-a" (Deutsche Mathematik).
Sò travaj Bieberbach a l'ha studià a Heidelberg e a Göttingen con Felix Klein, e a l'ha otnù sò dotorà dël 1910. A l'ha arzolvù na part dël XVII problema d'Hilbert (an sla classificassion dij grup dë spassi). Dël 1916 a l'ha formulà soa congetura pì avosà, la congetura ëd Bieberbach, ch'a stabilìa che l'n-éssim coefficient ëd na fonsion olomorfa univalenta a l'é limità da n. La congetura a l'é stàita dimostrà dël 1984 dal matemàtich Louis de Branges.
Polìtica Bieberbach a l'é stàit un convint antisemita e un sostenidor dël Partì Nassional Socialista. Dël 1933 a l'é intrà ant la SAe dël 1937 ant ël partì. A l'ha contribuì a slontané ij sò colega ebré (com Edmund Landau e Issai Schur) da l'ansegnament. Dël 1936 a l'ha fondà, ansema a Theodor Vahlen, la rivista "Deutsche Mathematik" për promove na matemàtica "alman-a" contra cola "astrata" e "giudaica". Dòp la guèra, dël 1945, a l'é stàit slontanà da tùit j'ancàrich académich.
Anliure Felix Klein
Bieberbach, Ludwig