Felice De Cavero (nòm complet Felix de Cavero, nassù a Diano Marin-a (Imperia) ël 1m dë dzèmber dël 1908, mòrt a Turin ël 7 d'agost dël 1994) a l'é stàit un pitor, fotograf e partigian italian . A l'é stàit un dij fondador dël grup artìstich Decalage .
Biografìa De Cavero a l'era dissendent da na famija nòbil d'orìgin spagneula . A l'é diplomasse a l'Academia Ligùstica ëd Belle Art ëd Genova dël 1930 . A l'ha travajà antra futurism e avanguardie a Genova e Milan . Dël 1942 a l'é stàit ciamà a l'esèrcit (Alpin). Dòp l'8 dë stèmber dël 1943 a l'é entrà ant la Resistensa an sël Monfrà . Da lë stèmber dël 1944 a l'ha comandà la session stampa e propaganda dla 14a brigà Garibaldi, con ël nòm ëd bataja "Miro" . Con soa Leica a l'ha documentà la vita dij partigian an Langhe e la liberassion ëd Turin . Dël 1945 a l'ha organisà la prima mostra dla Resistensa a Turin e an Fransa . Dël 1953 a l'ha fondà 'l grup Decalage ansema a Attilio Aloisi e Nardo Girardi . La fija Paola a l'é artista.
Euvre La produssion dël grup Decalage a l'é caraterisà da euvre a ses man e da na técnica special ëd pitura su bòsch con l'impregnassion dël bòsch. Ij perìod artìstich a son: Prim perìod figurativ (1953-1969/70) Second perìod romàntich figurativ (1966-1987) Ters perìod surealista (1961-1979)
Archivi Sò archivi fotogràfich (pì che 500 stampe) a l'é stàit notificà da la Sovrintendensa Archivistica dël Piemont dël 1996 e a l'é conservà da la fija Paola .
Onorificense A l'é stàit nominà Cavajé al Mèrit dla Repùblica dël 1975 për la mostra dl'esèrcit italian .
Decavero, Felice