miniatura|Ël vej stabiliment dla FIP, trasformà ant un compless për j'ufissi dal munissipi, ciamà "Lingotin". Cenisia a l'é 'n quarté 'd Turin. As treuva ant la III circoscrission, a òvest dla sità.
Geografìa A l'é limità:
a nòrd, da Cors Vittorio Emanuele II (finagi con Cit Turin) a est, da Cors Castelfidardo (finagi con Crocëtta) a sud, da Cors Peschiera (finagi con Borg San Paul) a òvest, da Cors Trapani (finagi con Podëstrà)
Stòria Ël topònim a ven da la strà ch'a rivava da Monsnis an passand për la Valsusa e ch'a finìa a Pòrta Segusin-a, an passand për ël quarté.
Ant l'età ëd mes, donch, Cenisia a l'era a le pòrte ëd Turin e a l'era caraterisà da cassin-e. Ant ël 1704, ël quarté a l'era la mira andoa le trupe franseise assediavo la sità ëd Turin, an antercetand j'arforniment dla Valsusa.
Cenisia a l'é popolasse ant ël '900, antrament a j'agn dl'industria. Ël quarté a l'era caraterisà da la presensa ëd vàire fàbriche coma Automobili Ansaldo, Lux, Nazzaro o F.I.P. (Fabbrica Italiana Pianoforti).
Leu d'anteresse
Lingotin Ex përzon Le Neuve Cesa ëd Gesù Giovnòt
Categorìa:Turin Categorìa:Quarté ëd Turin