thumb|Stil ëdd Modigliani Amedeo Modigliani (nòm complet Amedeo Clemente Modigliani, nassù a Livorn ël 12 ëd luj dël 1884, mòrt a Paris ël 24 ëd gené dël 1920) a l'é stàit un pitor e scultor italian. A l'é conossù për ij sò ritrat e patanù con dle caraterìstiche ùniche: figure slongà, còl longh, euj a màndola sensa ciairin. Sò stil inconfondìbil a l'ha falo dventé un dij pì amportant artista dël Neuvsent.
Biografìa Modigliani a l'era fieul ëd Flaminio Modigliani, n'òm d'afé, e d'Eugénie Garsin. A l'é chërsù ant na famija ebràica. Da giovo a l'ha studià con Guglielmo Micheli a Livorno, peui a l'Academia dle Bele Art ëd Firense e a l'Academia ëd Bel Art ëd Venessia. Dël 1906 as trasferiss a Paris, andoa a l'é ancontrasse con d'artista com Pablo Picasso e Constantin Brâncuși.
Sò stil a l'é stàit anfluensà da l'art african-a, dal cubism e dai pitor dël Rinassiment italian (Botticelli, Simone Martini). A l'ha travajà 'dcò com scultor dal 1909 al 1914, peui a l'é dedicasse a la pitura. An tuta soa vita a l'ha avù na salute fràgil (a patìa 'd tubercolòsi) e a l'ha vivù ant la miseria, an abusand d'àlcol e droghe.
Mòrt e conseguense A l'é mòrt ëd meningite tubercular a 35 agn. Soa compagna, Jeanne Hébuterne, incinta dël second fieul, as massa 'l di dòp campand-se da la fnestra. A l'han sotrà Jeanne al simiteri Père-Lachaise mach dël 1930, davzin a Modigliani.
Euvre prinsipaj Tra ij sò caplavor i arcordoma: Jeanne Hébuterne (1919), Nudo sdraiato (1917), Ritratto di Paul Guillaume (1915), La bambina in azzurro (1918), La belle Drogeristin (1918), Cariatide (1911-1912) e Testa (1911-1912). Soe euvre a son esponùe ant ij pì important musé dël mond, com ël Museum of Modern Art ëd New York, la Tate Gallery ëd Londra e l'Art Institute ëd Chicago.
Modigliani, Amedeo Modigliani, Amedeo