Descrission A l'é na pianta cita, auta da 6 a 12 cm, tuta coatà ëd peil. Le feuje a son sensa picol elìtiche, con ponta aùssa, peilose dzor tute doe le facie e oposte arlongh la gamba; le feuje dla gamba a son gris-vërde an mente le feuje dle rosëtte basaj a son bianche. Le fior a l'han ël picol, e a son formà da sinch pétaj motobin spartì an ponta.
Ambient As peul trovesse sia ant ij pra alpin che an sle ròche, an sle muraje e ant j'arpar sot ròca, dzor ij sot-strà àcid e silicos, dzor ij teren pòver e sech, da 1.100 a 2.500 m. A l'ha nen por dël freid, al contrari a patiss motobin ël caud e a l'ha pi carf l'esposission a la mesa ombra.
Fioridura Da luj a aost.
Particolarità A l'é na specie proteta.
Arferiment bibliogràfich për chi a veul fé dj'arserche pì ancreuse Cerastium alpinum (L. 1753)
Categorìa:Cerastium Categorìa:Fior ëd montagna