Descrission A l'é na pianta ch'a viv sempe, auta da sinch a vint cm, coatà da na lanëtta fin-a ch'a riduv la traspirassion, an manera ëd conservé l'umidità ch'a-j fa dabzògn për vive ant j'ambient dificoltos. A l'ha la gamba drita con pòche feuje; le feuje basaj a son a rosëtta, a lansa e tomentose. Le fior a l'han la forma ëd na stèila, con sinch pétaj.
Ambient A viv ant ij pòst montagnos suit, pra suit, tra 1700 e 3500 m.
Fioridura Da luj a stèmber.
Particolarità La stèila alpin-a a l'é ëdcò ciamà edelweiss. A chërs ant ij pòst pi mal ëd riveje e soens a l'é un premi për jë scalador dle montagne. Ël nòm Leontopodium a veul dì pé ëd lion e a s'arferiss ai capolin fioraj, ch'a smijo a na piòta 'd lion. A l'é proteta an tute le manere.
Arferiment bibliogràfich për chi a veul fé dj'arserche pì ancreuse Leontopodium alpinum (Cass. 1822)
Categorìa:Leontopodium Categorìa:Fior ëd montagna