Ël vin Bianch ëd Custoza a l'é un bianch coltivà e produvù ant l'anfiteàter morénich dël Garda, ant la part veronèisa.
Ël color a l'é giaun pajarin ciair, sò përfun caraterìstich, aromàtich, ël savor dlicà e gradèivol. A l'han contribuì a sò sucess e a soa difusion le caraterìstiche ch'a lo diferensio da j'autr bianch.
Coltivà an sle colin-e veronèise dël vërsant meridional dël lagh ëd Garda, ant ij teritòri dle comun-e ëd Sommacampagna, Villafranca, Peschiera e Pastrengo, a l'é produvù con j'uve dj'uvagi Trebian, Garganega, Tocai, dont as gionto Cortese, Malvasia e Riesling.
Ël Bianch ëd Custoza a l'é un bon vin da past e presià com aperitiv.
Categorìa:Vin dël Véneto