thumb|right|200px|Italo Calvino Scritor italian. Italo Calvino a l'era nassù a L'Avan-a ël 15 d'otóber dël 1923 e a l'é mòrt a Sien-a ël 19 dë stèmber dël 1985, apress na longa angonìa.
A l'avìa passà soa gioventura a Sanremo e a l'era peui anscrivusse a la facoltà d'agraria a l'Università ëd Turin. A l'era formasse an lesend Stevenson, Kipling, Nievo, ma chiel a disìa che a j'ero stàite motobin amportante le leture ëd Pinocchio e d'America ëd Kafka. Ant ël 1943-1945 as presenta nen për fé ël bajèt ant la Repùblica Sossial Italian-a, ma as gionz ai partisan dla Brigà Garibaldi.
Dël 1947 as làurea an litre, a Turin, con na tesi su Joseph Conrad. Con la Liberassion a l'era vnù redator a L'Unità e a l'é stàit chiel a sugerì al diretor, Mario Montagnana ëd publiché an apendis na tradussion d'Augusto Monti dël romanz Don Pipeta l'asilé ëd Luigi Pietracqua.
Euvre prinsipaj Il sentiero dei nidi di ragno (1947) Il visconte dimezzato (1952) Il barone rampante (1957) Il cavaliere inesistente (1959) Marcovaldo ovvero Le stagioni in città (1963) La giornata di uno scrutatore (1963) Le cosmicomiche (1965) Ti con zero (1968) Le città invisibili (1972) Se una notte d'inverno un viaggiatore (1979) Palomar (1983)
Calvino, Italo Calvino, Italo