Zohran Kwame Mamdani (; Kampala, 18 otober 1991) a l'é n'òm polìtich american d'orìgin indian-e e ugandèise, sìndich ëd New York ch'a l'é intrà an ufissi ël 1º gené 2026.
Biografìa Mamdani a l'é nàit a Kampala, capital dl'Uganda, ant ël 1991, e a l'é fieul ëd Mahmood Mamdani, professor ant la Columbia University, ugandèis ëd nassita ma originari dël Gujarat an India e ëd religion islamica, e Mira Nair, arnomà regista indian-a originaria dël Punjab e ëd religion induista; sò scond nòm, Kwame, a i j'é stàit dàit da sò pare an onor ëd Kwame Nkrumah, prim president dël Ghana.
A sinch agn a l'é tramuvasse con la famija a Sità dël Cap, andoa sò pare a mostrava a l'università, nopà a set agn a l'era tramuvasse a New York.
A l'é laureasse an studi african ant ël 2014.
Dòp jë studi a l'é ancaminasse a canté con lë stranòm ëd Young Cardamom (o Mr Cardamom).
Cariera polìtica A l'é stàit un dij fondator dël moviment ëd giustissia për la Palestin-a a l'università. miniatura|Mamdani a un comissi As considera socialist democràtich, a l'é dventà member dla ciambrea dlë stat ëd New York ant ël 2020 e a l'é dventà sìndich ël 4 novèmber 2025, an vagnand con ël 56% dle preferense contra l'aversari Cuomo, an promëttend regolamentassion an materia ëd fit e traspòrt publich gràtis.https://www.italiaoggi.it/economia-e-politica/politica-estera/chi-e-zohran-mamdani-il-giovane-candidato-che-ha-vinto-le-primarie-di-new-york-ij35qt0h?refresh_cens
Corsa për l'ufissi 'me sìndich ëd New York A fërvé 25 Mamdani a l'avia l'1% dle preferense ant ij sondagi e a novèmber cost nùmer a l'era montà a 56%. Chiel a l'ha dovrà 3 strategìe:
Publicità ant ij social: a l'é ancaminasse a fé dij vìdeo con lë sviciofonin a cost zero, an dventand na përsonalità ant la ragnà, minca di an capend qual a j'ero ij vìdeo ch'a tiro pi l'attension. Sò canaj social a j'ero motobin pi seguité che coj dl'aversari Cuomo, ch'a l'avia spendu 25 milion ëd dollar an publicità, sensa arzultà. Ël 29 otòber, Mamdani a l'ha batì na conferensa stampa, pa con ij gasëttié ma pitòst con 70 creator dij vìdeo sla ragnà, seguità da 77 milion ëd përson-e an total, ëdcò costi a j'ero nen pagà, ma a chërdìo an chiel. Quatr di prima dle elession, Mamdani a l'ha virà ses sale da bal ant na neuit, an tirand l'attension dij giovo. Ëd conseguensa, ël 78% dij giovo dai 18 ai 29 agn, a l'han votà për Mamdani.https://www.instagram.com/reel/DQ6JwxKjHP-/?utm_source=ig_web_copy_link&igsh=MzRlODBiNWFlZA==
Vita privà A l'é musulman sciit duodeciman, naturalisà ant ël 2018 com american, a l'é n'amant dl'hip hop.https://www.videoclip-italia.com/2025/11/05/fotoromanzi-in-the-new-new-york-city-mr-cardamom-nani-zohran-mamdani-2019/
Nòte
Categorìa:Òm polìtich Categorìa:New York (stat federal) Categorìa:Stat Unì d'América Categorìa:Polìtica